غريب الدار
غريب الدار
وهقتني في غلاها ..ثم تنحت يافهد=وخطفت قلبي معاها ..كيف خلتني وحيد! شف عيوني ..عقب فرقاها تولاه السهد=ضاحك ٍ بين الملا ..متبسم ٍ كني سعيد! آآه واوجدي عليها وجد شيخ ٍ مضطهد=مازبن الا خويه ..واتضح انه فقيد! لانوى يرجع لداره ..ضاق صدره وانلهد=وان بقى يبقى غريب الدار .. ماحوله عضيد! ان بكى تنزف عيونه ..دمع طفل ٍ بالمهد=والعرب تسمع بكاه .. ونبرة الحزن الشديد! يسألونه وشبلا حالك ..تكدر من شهد=ليه تبكي ..ليه ماتشكي ..وتطلب ماتريد! قال دمعي مثل ذيب ٍ ..لاطرى خله يهد=يكسر الجفنين ..واهداب العيون ..وكل قيد! قالو ..ان كانك تبي تبقى وفي ٍ للعهد=ينتهي عمرك ..وشوف اللي تبي ماهو اكيد! ذا وجود المحتضر ..ماينفعه كلمة اهد=يافهد روحي توقّد .. والجفا يبّس وريد! واهني اللي تذوّق ..من ثناياها شهد=واهنيه واهنيه ..لاتفرّد بالفريد! وسلامة من تااابع بوح وجداني |
الساعة الآن 11:43 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM