منتدى حايلنا - ود الخبر له

منتدى حايلنا (http://www.hailna.com/vb/index.php)

- اشـــعـــارنــا (http://www.hailna.com/vb/forumdisplay.php?f=3)

- - ود الخبر له (http://www.hailna.com/vb/showthread.php?t=848)

ود الخبر له

السلام عليكم ورحمة الله

هذا الناي حب له وحده بجبال الألب
الظاهر انه هايدي:011:
المهم يوم شافت وجهه اللي تقل قاعة قلاية بيض بعزبة هنود :100: وهي تسحب عليه :002:
عاد يوم شفته حزين قلت خذ هالبويتات وارسلهن لعل قلبه يحن عليك يابيتر زمانك:086:

ود الخبر له

ود الخبر له ياقصيدي ود له=وان جاك رده ياجبلنا ردلي
بلغ سلامي مع تحايا ود له=وانا ادري انه بالمحبه ودلي
نرضيه باللي يطلبه ونشد له=من قبل ماحرف العتاب يشدلي
غالي ولا يطري علي ابدله=وان صد عني ماهقيت يبدلي
لكن زماني مايل ٍ كيف اعدله=هذي ظروف ٍ حكمها مايعدلي
افقد املنا باللقا وانحدله=واقول ياوقتي طلبتك لدلي
عطني دقيقه للقا واستبدله=بايامي اللي باقيه / قم عدلي
وانا لياجيت الغضي اعدله=ستين قبله للثواني تعدلي
هذا عددها والزمن لاحدله=عطني يمينك يازماني مدلي
صوتي زعجته بالجبل وامتدله=مدري متى صوت الغضي يرتدلي

وسلامة من تااابع
بوح وجداني
:067:

هههههههههههههههههههه

الا يالتسلب الاجرب

توو هايدي متصله علي بس اني مارديت عليه

تبينا نروح للغنم بهالقايله

وتبي الصدز يابحبوحتي

اول مره اشوف قافيه تشدن بهالشكل

والله لو انا بنت لا احبك ههههههههههههههههههههههه

وتصير دكتوري النفسي لا مغصن بطني وطفشت

ود الخبر له ياقصيدي ود له ...... وان جاك رده ياجبلنا رد لي

قمممممممممممممه

وانا لياجيت الغضي اعدله ... ستين قبله للثواني تعدلي

صح الله لسانك ياشيخ

هايدي الله ياخذ هالقرون وين انتي

صح لسانك ملايين يالبوح :067:

وعليكم السلاام ورحمة الله وبركاته

يا سلاااااااااااام عليك يابو تركي
قصيدة لاتمل ابدا وتجبرك تغنيها وانت تقراها

غالي ولا يطري علي ابدله
وان صد عني ماهقيت يبدلي

تحلق خارج السرب يا صديقي
وين الإعلام والأمسيات عنك
حرام الناس تنحرم من هالإبداع

لاعدمناك يالغالي

دمت كما انت

لقلبك :067:
ولبيتر :067:
ولهايدي :067:

^_^
مودتيـ

صح لسآنك ي بوح :067:

صح لسآنك يآبو تركي
كـ العآدهـ .. ابيآتك سلسه وتدخل القلب بسهوله
الف شكر لك يالعزوهـ

صح السانك بوح

الناي
انزح وراك يافتى الجبل خخخخخخخخخخخخخخ
لاتقول صح لسانك لما ترضى عليك هايدي ياقاعة القلايه

/
هيبة ملك
صح قلبك ولاهنت يالطيب
/
بدر القصيد
تسلم وصح قلبك
اعجاب واشادة امثالكم هي المكسب الحقيقي
لاهنت والله
/
صمت
الله يسلمك وصح قلبك
لاهنتي
/
سكور
وكالعاده
حضورك مشرف
لاهنت وصح قلبك يالطيب
/
مشاعر
الله يسلمك ويسلم غاليك
لاهنتي وصح قلبك
/

:067:

ههههههههههههههههههههههه

اخيرا هايدي تخلت عن وجه العنز هههههههههه

لكن انت مافيك حيله يابوح

قصيده من قوتها راح ترجع هايدي

صح لسانك ياصديقي واعتلا شانك

يالبيييه :027:

صح لسسسسسسسسسانك ياحبيبي