تفاكير
من القصائد القديمة
يقطعك ياقلب تكتم بالاسرار=لين انك اودعتن بليا تفاكير يا قلب والله لو نبي منك ماصار=دايم على العوجا دروبك مقادير ويا قلب ما تدري وش اللي بنا صار=واسباب مابي من خيار الغنادير جيت السهل ذكرت عام لنا طار=يوم الحبيب فيه قلبه كما الطير عام به ارجي صاحبي قبل يندار=واليوم دارته الرجال المناعير فات الفوات وكن قلبي على نار=او كن قلبي في فرون ودوافير ياهل الملامة لا تلومون محتار=في حب ملهوف الحشا زين تصوير حبيت منهو جوف قلبي بنا دار=لحبه وانا عقبه بنيت المقاصير ريم سلب قلبي وانا منه محتار=يا خذ قلوب الناس من غير تفكير ريم جروحي منه كل يوم باضرار=لكن جروحي كنها لي تخادير لا طاب جرح اليوم بكره بتكرار=جرح جديد بين الاضلاع بيصير والحب في حالي تبين للانظار=ياليت ما جاني لحبي تباشير والخاتمه مني عليكم هل الدار=سلام من قلب سبوقه مقاصير من راعي القلب المعنى بالافكار=قلب جريح مولع بالغنادير وســــــلامتكم |
الساعة الآن 01:20 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM