الهوى
الهواااااااااا
الا يا دمعة هلت من عيون الهوااااا يا ناس=حرام الدمعة اللي في محاجرها تطب القاع عطوني من مناديل الحرير ابمسح الالماس=اليا منه تساقط فوق خد ناعم لماع ابيها تجدد الذكرى اليا صاب الخفوق اعماس=انشف به عرق قلب ركض وسط الغرام وضاع الا يا قلب لا تتعب ترى قروب الغلا .. وناس=تعلل من تعاليل القروب وطوح الاوجاع تنحنح قال لي ابشر وابشرح خافي الاحساس=عسى تفهم احاسيسي وتعذرني على الاوضاع اذا غابت علي الشمس وحل الليل والارماس=سواد الليل ذكرني عيون مكحلة ووساع واذا شفت القمر ليلة تمامه صار فوق الراس=يذكرني بوجه شارق ضية علي وشاع واذا غنى حمام الدوح بصوت يستبيح الياس=يذكرني بصوت اللي بصوته خنة واصناع واذا ذقت العسل مرة حلاتة باللسان قياس=يذكرني بحلو من لذيذ ارضابها ما ضاع واذا مريت جنب الورد بلون يطرد الوسواس=يذكرني بالوان الشفايف زاهية ووضاع واذا هبت علي نسمة صباح وغرد الوناس=يذكرني لقانا اللي بتال الليل زاد وفاع واذا مني سمعت اوتار رنان بيد رجاس=يذكرني حنين البوح من صدر الغلا الملتاع واذا هلت من عيون السحاب الكوثر الكباس=يذكرني مدامعها بساعات اللقا ووداع سكت وقلت ياقلبي ابي لك طيب النوماس=تراي اليوم معطيلك امل اشكال بل انواع وســــــلامتكم |
الساعة الآن 01:56 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM