بعض القوافي .. يثورن فيك وتلالي=وتشيل صوتٍ .. من المعلوق مشلاعه
واليوم ابشلع .. بطاروقي وموالي=بجناح شوقٍ .. يقول السمع والطاعه
صوتٍ يقد الغيوم .. وينحر الغالي=بدرٍ يجفل .. ظلام الصد مطلاعه
وين انت ياللي جبينك .. يطرب البالي=روحي على الدوم .. في شوفتك طماعه
انا صويب الغلا .. والبعد قتالي=وانت طبيب العطيب .. وضامد اوجاعه
ان كان لك نيةٍ .. صارح ولاتبالي=ترى الغلا بالرضا .. والعقل باقناعه
وان كان طبع التغلي .. فيك مازالي=يمكن لياصد قلبي .. يصعب ارجاعه