كالمسبحة
اوردت جزء من هذه القصيدة في قسم الهدوء ولكن بعد ما اكتملت حبيت اضعها بين ايديكم
انا كالمسبحة ما تنطق الا لين تومي به=عجزت القا من الخلان خلٍ دوم يومي بي تعبت من المزاج اللي تعدا من يهلي به=يبي من خلق ربي جادلٍ فيها التعاجيبي جمال وروح فتانه وعين وخد تغضي به=تذوّب كل من شافه وتحرق نارة الذيبي صبوح الوجه مليح القد عفيف النفس من طيبه=مزوح يستبيح الروح اذا جيته يهلي بي ترد الغايب اللي فات تصحي حظي وذيبه=عطوفٍ ماترد امري خدينة شوق تغريبي اليا قلت آآآه في لحظة غلا والروح تسريبه=تجاوبني بآآآهاةٍ تخدر لي معاطيبي تمني التماني ما بها الا زود تعذيبه=خفوقٍ يحترق ويعيش في وسط اللواهيبي يتله للهوى نسمة غرام وطيف ويجيبه=على ما قيل سردادي ومردادي مواجيبي انا لامن طرا لي من قضيت العمر اهذري به=تجيني كتمةٍ منها دموع العين تصطي بي بغير اشعور اقوم ادور اعيش احيا بدباديبه=انا المجبور كالمسعور على الفرقا وتعذيبي سلام الله على خل رقا ذوقة وترتيبه=تركني مع هواه اشقا شقا .. عذراً معازيبي |
الله الله
صح لسانك ملايين قراتها في هدوءك واعجبني الطرق والقافيه تسلم يالبيت الطين لقد امتعتنا بقصيده جميله دمت بخير يالغالي |
صح الصح لسانك وعظم الله شانك
مسباحك كهرمان يابو عزوز صح لسانك على هالجزله اي والله المجبور كالمسعور بريفت لابو عزوز :- صبوح الوجه مليح القد وش هو القد يابو عزوز ؟ دايم اسمع القد وفي ابيات كثيره اسمع بـ القد دعـج عيونـه والمبـاسـم عطـوفـه**وعليـه خصـر ناحـل وقـد مـيـاس بنهايه عدت قراءه القصيده ثلاث مرات قصيده فايف ستاريه صح لسانك |
ياسلام
صح لسانك مدد بلا عدد ويسلم منطوقك والله |
صح لسانك يابيت الطين
|
أبيات كالمسبحه الذهبيه يابو عزوز
كتبت فأبدعت فأطربت شكرا لهذا العطاء والإحساس المتدفق صح قلبكـــ:067: |
الله الله
وكالمسبحه هذه المعزوفه المترابطه ممتعه جدا ولذيذه على النفس صح كلك وسلم احساسك |
اقتباس:
صح بدنك يالغالي الله يجعل ايامك كلها سعادة تقبل التحايا :067: |
اقتباس:
هلا وغلا صح بدنك والله يسعدك ج - القد هو رسمة الهيكل العظمي يعني الزول بلهجتنا ما هي بلهجة اهل السودان الله يسلمك هاه بشرنا وشلون الامور عساه فايف ستار تقبل تحياتي |
اقتباس:
بن هود صح بدنك وتسلم شرفتنا بمرورك لك تقديري :067: |
الساعة الآن 08:04 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM