الحقيقة ....
السلام عليكم
يقولون القصيد شعور والشاعر بدون شعور=واقول الله يعاقبني اذا ماهي من اعماقي
الحقيقة .. استوقفني هذا البيت ورديت بهذه الابيات المخالفه له تماماً *******
سلام الله على منهو .. خذا له مع قصيدي طور=سلامي يتبعه عذري .. عن اللي راح والباقي انا هاوي نظم اشعار .. ولاني محترف مشهور=ولاني من يقول الزور .. ولا قد قلت بنياقي كتبت البيت من راسي .. أداري لايجي مكسور=كتبت ومستحيل اكشف .. لكل الناس اوراقي مجرد فكرةٍ جتني .. وسط ظلما تشوف النور=ارتبها .. وانظمها .. وهي ( ماهي من اعماقي ) رسمته من خيالي فوق صفحات الورق بسطور=لعل اللي لها يقرا .. يقول الكاتب الراقي انا مالي هدف واضح .. أحاول بس اعيش الدور=نسجت ابيات للضامي .. انا الراوي وانا الساقي اعيش الجو كالعاشق .. أهيم وكني المقهور=والى منه ضبط جوي .. اشوف الخد برّاقي كتبت ابيات واتغزل .. وخليت البنات زهور=وانا مالي هوى فيهن .. ولاني بالهوى شاقي نصحت العاشقين امرار ولكن مايبون الشور=وصحت بصوتي العالي على المجنون مافاقي حقيقه قلتها مرتاح .. لا ساخط ولا مجبور=عسى ربي يسامحني .. قبل ماتنشف ارياقي وسلامتكم ,,,, |
الساعة الآن 02:28 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM