حتى إنت يالببسي علينا تغليت
هذا وحنا ما بيوم قطعناك

هذا وغازك فتت الكبد تفتيت
ولا ردنا غازك ولو كان فتاك

ليتك عن نصيص الزياده تعليت
ولا قلت بعين الزباين حلاياك

حرمت عنك عقبها دخلت البيت
ماني زبونك دام هذي سواياك

ياليت قلبي لك عصيده ومرقوق
والروح لك خبزه وحبي لك إيدام

وإن كان نفسك تشتهي بيض مسلوق
هذي عيوني لك مقلقل من العام

والكبد محموسه على الشوق برفوق
واما الحلى انت الحلا وسكر الشام

ياليتني في حاره الزين خباز
أسابق المذن واسوي عجينه

ابيه لامن صار للخبــز معتـــاز
امد له خبزه والمممس يديــنه

و اولع التنور وارفع على الغاز
ولو احترق فدوه لرمشه وعينه

القلب من نار الهوى صار كاتم
........................... والحب في وسطه غدى رز محروق

وضلوع صدري صايراتن بساتم
........................... ترجف عليكم يا حبيبي من الشوق

لي صاحب ن يومن تبسم قبل امس **** يالله يجمع كشرته عقب باكر

ياللي ملكت القلب لازم تخليه
حرّن على شوفك يناظر ويكحل

لا تصير كنّك ريس ٍ ما أدانيه
عقبه أصير الشعب وأقول أرحل

كنّا قبل..نرقد على صوت الأخبار
شان التغير عقب طار النعاسي

كان البزر همّه قطو يلحق الفار
اللحين همّه صار ناشط سياسي