بويتات طينية
من قصائد المرحة الثانية (الجديدة) الخل
اليا صار لك خل مع الناس يغليك=واليا طلبته حاجة ما يمنة اللي اليا جا الليل عندك يسليك=نوب يبيح الحب ونوب يكنه اللي اليا بان الزعل منك يرضيك=يرخص لك الغالي على حسن ظنه فصل الشتا حضنه عن البرد يدفيك=والصيف يظهرلك برادة بفنة له خمة عن باقي البيض تغنيك=وله ضحكة تسحرك لابان سنه وســــــلامتكم |
الحروف
رتبي قلبي على حروف الهجا=واشرحي بالحب صعب المفردات وامزعي بالياس من حبل الرجا=واربطي به ما بقى من ذكريات واشعلي نيران حبي بالدجا=واحرقيني بالغلا قبل الممات ياغزال ما لحبه ملتجا=شدني وازريت عنه الانفلات صوبتني واهني اللي نجا=من سهوم عيون نجل ناعسات طالبك يالله حسن المخرجا=من جروح بالضماير موغلات بالحشا يازين حبك لجلجا=اشغل التفكير عن كل البنات وســــــلامتكم |
الحزوم
ليه يابو رباح تذكرن بالمطار=ليه تنبش جروح بالحشا موغلات لو صعدنا الطعوس او طلعنا مشار=او جلسنا بظل جبالها الشامخات ما تعوض عن احزوم بهاك الديار=ولا يهز المشاعر غيرها بالحياة ليت ربي يسوق الها السحايب كثار=تلبس اللون الاخضر ويزهر بها نبات ياسنين مضت لي في ديار العمار=ليت منهو يرد ايامنا الماضيات وســــــلامتكم |
الخليل
يقول اللي لعا يشكي خليلة=يبي يسلا وهو ماهو بسالي يناجي كل ورقا شال شيلة=يبادله الونين بصوت عالي سعيد الحظ منهو بات ليلة=خلي القلب من جور الليالي وانا قلبي همومه به طويلة=من ايام الغلا كله لغالي شربت من الهوا جغمة قليلة=وزاد بي الولع عزي لحالى وســــــلامتكم |
الامرار
حدتني الدنيا على شرب الامرار=ياليتني ماذقت للحب مطعوم على وليف احرق القلب بالنار=اقفا وخلاني من الحب محروم ابكي من الفرقا على غض الازبار=ايوالله ابكي ناعس الطرف كل يوم ياما سقاني من ثناياه مقدار=اروي غليلي منه لا صرت مهموم ياما سقيته من زماليق الازاهار=أرويت منه مدملجات ومختوم وســــــلامتكم |
المشوار
ااه وا ويلاه من هم جديد=صابني من يوم محبوبي رحل سافر ومشوار محبوبي بعيد=ابتعد عني وانا مالي امل من فراقه صرت بالدنيا وحيد=ما لقيت من البشر للخل حل يوم كان اصويحبي عندي سعيد=ويوم راح اصويحبي دمعي همل وســــــلامتكم |
الساعة الآن 07:42 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM