مابان .. في سطر الورق .. بالصدر كان=يعني .. تفاصيله عن ايام .. به كنت
يمكن .. احاسيس . ومشاعر .. وقيفان=راسي يبروزها .. وبالحس لونت
في مبتداها .. اندماجات .. واحضان=والموجع .. اخر مشهدٍ .. به تكونت
مهما اقول انساه .. وانساه .. وينسان=القاه في روحي .. ينادي .. (انا انت)
لوحة وفا.. فيها رسمته .. وجافان=حتى زماني .. لو طمس لوحتي .. بنت
يبين جرح الفقد .. بعيون .. ولهان=لكن عزاي .. اني لعهد الغلا .. صنت
ماطاح من قلبي .. غرامي .. ولاهان=يبقا .. عزيز بخافقي .. لاتمعنت
والمشكله .. من يومه القلب .. الى الان=متمسك بحبه .. ولاعاف .. هالبنت
خارج حدود السيطره .. شوق شفقان=ارهاب في روحي .. وانا بالغصب .. لنت
من طاع خفاقه .. على الدوم .. شقيان=ماقلتها ندمان .. لكنّي .. ايقنت
مابان في صدر الورق .. لهفة انسان=اكتم واصد .. وللأسف .. ماتمكنت
ياحضرة الانسان .. لو كنت غلطان=هات الصواب اليوم .. عطنيه.. لاهنت