الله على من يشيل الهم بكمومه=يخشى من الناس تعرف وش تغنى به
يكتم بصدرة همومٍ حيل مزحومه=صندوق صدرة لسدة مغلق بابه
عجزت اسيطر على قلبي من اهمومه=متلولسنٍ بالهوا وامفارق احبابه
من ضيقةٍ في حنايا الجوف مكتومه=تبرا عظامي وحالي بالهوا ذابه
شربت من كاس واثر الكاس مسمومه=ياليتني ما عرفت الكاس واصحابه
وطيت دربٍ وفيه القاع مردومه=حسبتها مملكة واثري بها غابه
اقطف زهر فل ثم اعطيه مقسومه=مع هجعة الخلق والاشواق لعابه
اشواقنا كلها بالود مختومه=تسري مع الريح تقطع كل جوابه
بيني وبينه عواصف يم معلومه=عواصفٍ قطعت قلبي من اطنابه
ياما ركبت البحر بالغي واعومه=ويا ما على مركب الاحباب عمنابه
تزهم وانا ازهم وكلٍ باح بعلومه=اليا تلاقت مشاعرنا وحرنا به
اليا انتثر ليل مجدوله على هومه=قمت اتتثر معه واشواقنا ذابه
واليا تجلت خفايا الزين وارسومه=بانت محاسن جسدها وانفتح بابه
قمت اقتربلة من الاشواق واهومه=واخذت لي سجةٍ مع نابي اعذابه
يجرح وانا اجرح وكل جاه مقسومه=مقسومنا بالهوى حنا رضينابه
واكبدي اللي بها النيران مضرومه=من سبة اللي خذا قلبي وقفابه
ياحامل الصوت جب لي صوت مرسومه=ويا ناثر النور جب لي صورة اترابه
يادرةٍ في وسط بركان مظلومه=حد الليالي على فرقاه واسبابه
نبكي وتبكي ليالينا على يومه=ما نرتجي يومنا والشمس كد غابه
الليل بيَّن وطال الليل وانجومه=وانا ارتجي لو يعود الصبح واسعابه
واحسرتي من غزالٍ غابت ارسومه=اقفى وخلا لي الذكرى اتسلابه