اضحك على سود الليالي واغني=واقول ياليلي ترى مابي خلاف
ياليل لاتنشد ولاتمتحني=ما بالسهر في ظلمتك اية انصاف
ماعشت بك سهران لجل التمني=لكن سوادك صار للدمعه لحاف
طول النهار اكتم حنيني واكني=وليا توشحت السما حان الاجحاف
ليل ونهار ومعركه مع تجني=قلبي لها ميدان والشوق سياف
يأسرني التنهيت قلبي يوني=والموت من عشقٍ يسبب لي ارجاف
حتى ضنوني والهقاوي تشني=حملة معاذيرٍ بها ظلم واسراف
يثور في قلبي من الشوق جني=لاجيت اصده مايطاوع ولا خاف
احاول ارقد والمحاني تحني=تسأل نجوم الليل عن زين الاوصاف
ياليل كانك حايرٍ حيل مني=انا سهرتك لجل احاكي بك اطياف
اطياف خلٍ بالمحبه سكني=اقفت به سلوم وعوايد مع اعراف
ارجي من المولى عساه متهني=اقولها وافي ومن حب ماعاف