السعادة لاحصل شخصٍ توده=يسعدك نوبٍ ونوبٍ تسعده
ان حضر كل المشاعر له تهده=ولا تأخر من غلاته تفقده
ضحكته تجلى الهموم المجرهده=وان عطاك من الغلا لك تشهده
رغبةٍ بالقلب والحادي يصده=مرت الايام وانا اتصيده
لو حداك من الهوى بعدٍ ومده=تستلم كف الهموم وتجهده
إحترق في شوقه الطاغي وارده=واستعيره لذةٍ مستعبده
شل وجداني غرامه بالموده=صب في بير الخفوق وبرده
يشحذ خيول الخيال ويستمده=يلعب بجيش الفكر في مرقده
لا بدا لي بالتحية كيف ارده=صوته الدافي لقلبي يقعده
في فيافي فيّ من شمسٍ تمده=فيه فن وذوق ... فنه ينقده
لو لويته لي مالي من يسده=لي ولا لي ليل من لي ينشده
من ميامين المنى منا يعده=منيتي منها ... منال يبعده
ما كفا كفي من كفوفه نشده=كيف اكفكف دمعتةٍ لي واحمده
طاف طيفه شفت نوره شفت خده=طفت واطفا مهجةٍ .. كنت اعمده
شعر شاعر والمشاعر له تحده=اكتب اشعاري واحفظة باجنده
سائلي عن جرحي الخافي نلده=لو سليته ... كيف في يوم ارفده