يوم الامل

طال يوم الامل والشوق قرّب يغيب=والمشاعر بصدري تنزف اشواقها
يالله اني دخيلك غاب عني حبيب=احسن الله عزا قلبي على فراقها
ملي عقب الغلا يصبح لقلبي رقيب=يستلم مهجةٍ لي بعد سراقها
الليالي تبعثرني بشكلٍ رهيب=من يلملم غصونٍ ماتت اوراقها
اهـ يا شجرةٍ عيا ثمرها يطيب=والوله من يديني طاح باعماقها
صاب قلبي هواه ولا نفع به طبيب=من يداوي جروحٍ شدت وثاقها
الهوى يتعب الرجال لو هو لبيب=والمحبة تعذب كل من ذاقها