|
شذا الفل
هلا وغلا يا ايها الاعضاء الغالين كل ابوكم نفرا نفرا جيتكم وجبت معي كم بيت ابنثرهن لكم وعساكم يا ربي تمتعون بهن
عابرات الهواجس للمعنى تزيد=لوحن فوق صدري واعتلن مفرقي بيتنّي على نارٍ لظاها شديد=والشقا مرتعه وسط الخفوق الشقي يوم طول غيابه عنق ظبي فريد=قمت ادور وانشد لين نش عرقي روحن الليالي والمدامع بديد=لين بانت رسومه فوق سطح طبقي زغردن الضلوع بصوت حلو النشيد=والمشاعر تسابق فرحتي بورقي يا سحاب القريحة هل وبل القصيد=وابرقي يالمعاني بالخفوق ابرقي بللي جرحي اللي صابني بالوريد=وامسحي ما لقيته بالعذوب النقي وارقصي يا زهور الفل في يوم عيد=انثري من شذا الفواح واستغرقي وافرحي يالمحاني عاد لي من جديد=نبض قلبٍ فقدته بالحشا مرتقي اعتلا صوته الدافي جبال الجليد=ذاب منه الغلا واستتاب اطرقي لملم اللي بقابي واستراح العنيد= يوم بانت خيوط الشوق في مشرقي ما جهلت الصداقة لا ولاني بليد=ولا زعمت المودة كذبة بعنقي الصداقة صداقة من يبيعة طريد= والمودة مودة بارضها نلتقي |
يا سحاب القريحـة هـل وبـل القصيـد..وابرقـي يالمعانـي بالخـفـوق ابـرقـي
وانا اشهد انها قريحه مايجي منها الا الابداع والقصيد الجزيل صح لساانك كل مابها القصيده اعجبني تركيبة القصيده وسهولتها قافية الشطر الثاني القائك المتميز اخراج القصيده والموثرات زادتها جمال فوق جمالها تحياتي لك يابو عبدالعزيز نتمنى ان يزيد الحماس والمشاركات بالمنتدى ونشوف الكل يشارك بجميع الاقسام وكل الشكر لك يابو عبدالعزيز لحرصك واهتمامك |
صح صح صح الله لسانك يابيت الطين
قصيده معبره وجميله وسلسه من حلاها بغيت آكلها ههههه بجد روعه هالقصيده تسلم والله |
ويامساء الفل
الصداقة صداقة من يبيعة طريد والمودة مودة بارضها نلتقي صحححح قلبك يابوعزوز ويسلم احساسك :067::067: |
اقتباس:
ابراهيم هلا وغلا فيك نورت يالغالي صح بدنك مشكور على المرور تحياتي |
اقتباس:
هلا بك ابو سلمان صح الله بدنك وزاد جمال القصيدة وروعتها حضورك المميز تقبل تحياتي |
اقتباس:
هلا ابو تركي نو ما نورت القصيدة مع حضورك العطر صح بدنك يالغالي :067: اممممممطخ :067: |
| الساعة الآن 06:33 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM