قيام ... عفوا ً اجلسوا لاتقومون=هدووء .. حتى تسمعون الجديده
بعد السلام وكيف الاحوال ..وشلون=ابدى كلامي .. في حروف ٍ فريده
ماني مغنيها .. على ماتحبون=من كيف كيفي .. تبشروا بالقصيده
يمكن تقولوها كذا .. تستثيرون=لكن راسي .. يكتب اللي يريده
(واللي براسي) ..لو تغنوه بلحون=يقضي نفسكم .. ماحصيتوا رصيده
اقول ماعندي .. ومهما تقولون=مايحكم الميدان .. الا عقيده
تبطون !! لاوالله معي حيل تبطون=ترى الفحل لاهاج .. ينحّل قيده
قيد الصبر عندي .. مخليه موزون=واليا تعدى وزنتي .. ما اجيده
يعني احط ابليس .. مع كل ملعون=اكرم حرار القوم.. والعن عبيده
عاقل .. ولاخربت معي صرت مجنون=اما ينوّخ هرجكم .. او ابيده