السكن

بين بيت القصيد وبين حد القوافي=ساكن في جروحي والجروح اسكنني
تايه بالهوا والقلب فيه اختلافي=ما يميز دروبه والدروب اجنبني
وين رجلي مشت بي في طريق التجافي=لين درب المجرة والنجوم اقعدني
مهجع جيت يمه غاطيته السوافي=يوم كنا وكنا واريش العين حني
ذكرن في زمان العطف والانعطافي=لا سقا الله ليال الحب كيف اغدرني
يا سراب سقا الولهان كدر وصافي=لا روينا عطشنا والعطاشا روني
يا لذيذ لذيذ من مرارة يعافي=يا حلا من حلاته من يذوقة يجني
شد حبل المودة صغير بالتطافي=ثم تلة وتل القلب واقفى يغني
مر مثل الخيال او مثل حلم لغافي=اتخيل خيالة والحلوم ازعجني
قبل اعرفة وقلبي طيب ومتعافي=لا هموم سرن بي و لا حمام يغني
ومن عرفتة اهمومي عاليات المرافي=ان غدن اسرحن بي و ان حدني لقني
شيب الراس مني من عظيم الخوافي=الهموم العبن بي و الجروح اتعبني