كبيره كلمة احبك علـى مثلـك حـرام تقـال=ولكن الهـوي يحكـم فـؤاد العاشـق بأمـره
حكاية عاشق(ن) مغرم ومعشوق(ن) يسم الحال=ركبت امواجه بنظره وصرت الغـارق فبحـره
من اعماقه اغني له..بهمسـات الغـلا مـوال=ويعزفني على رتـم القطاعه..ياقـوي صبـره
رمى قشة نجاتي في مغبات البحـر ثـم قـال=نجاتك في خفوق اليم اذا تقـوى علـى غـدره
تلاشى من فضى حسي كما ظل السحب لامـال=اشوفه بالسما ثابت ويكشـف سرعتـه بـدره
تيقنت وعرفـت انـه يبينـي اتبعـه بالحـال=من الغيره يبي يدفن حياتي فـي وسـط قبـره
دعيته دون ما اشعر ومديـت الكفـوف حبـال=وعانقني مـن اللهفـه يبـي يسكنّـي بنبـره
سألته ياحبيبي وش بـلا قلبـك غـزاه هبـال=حبيبـي لايهمـك صاحـب الافكـار والفكـره
حبيبـي لعبتـك هـذي تراهـا لعبـة الانـذال=امررهـا عشـان الحـب وياويلـك اذا تكـره
حبايب قبلي وقبلـك سبايـب هجرهـم عـذال=انـا ماقـول لاتسمـع ولكـن خذهـا للعبـره
حبيبي عطني اخبارك وطمنـي عـن الاحـوال=عساها زينه احوالـك ابـي تفصيـل للنشـره
حبيبي كلمة احبك علـى غيـرك حـرام تقـال=تعـال وغـرد بقلبـي ورجـع قلبـي لوكـره