الشمس قالت ( للشاعر بوح وجداني )
السلام عليكم
رد على قصيد ( ياشمس ) ارسل لي بوح رساله بها قصيده يعبر بها على لسان الشمس التي ارسلتها للقاء الحبيب في قصيدتي ياشمس فحبيت انزلها بدلا عن صديقي وحبيبي ابو تركي (( الشمس قالت )) --------------------
الشمس قالت والشعاع متدلّي=ترسل حروف الأجوبه من كنينه يالشاعر اللي بالغلا مايكلّي=تنشد عن اللي منسجن في حنينه تبعد به سنينه ولاهو متخلّي=عن بذرةٍ بالروح تشرب غبينه لامن صلاه الشوق دمعه يهلّي=حتى يخالط دمعتينه ونينه يسبق شروقي لالفيته يهلّي=سهران ليله والعرب نايمينه لاناشدن عني ولافاطننلّي=يقول ماشفتي غلا الروح وينه اصبحت انا مرسال قله وقلّي=وانتم غلاكم فاق حد الخزينه انا ادري انه لا صدود وتغلّي=لكن حظوظ اهل الهوى خابرينه لو الغلا حاكم للأحدب يسلّي=يطيح راس البعد في راحتينه والحب شعب ٍ لو يجوع متحلي=باصدق وفا وشْعور ياحاكمينه --------------- وسلامة من تااابع بوح وجداني :067: |
ذبحن الحر
لحظه ابغير ثوب الشمس والبس ثوبي هههههههههه الفروض قايلن القصيده بالشتا عشان تطلع الخشه والله مدري لو القصيده ماجت على مابنفسك لكن عاد هذا اللي قالت لي الشمس وهي تغاب بسرعه يمكن خافت اني ادبل تسبده بكثر الاسئله ههههههههه صح قلبك |
والله وفيت وكفّيت يالغالي
ترى للحين حر انتبه تلبس الشتوي هههههههههههههه |
اقتباس:
عز الله صح لسانك يابووح واحلا رد مشاء لله عليكم التقاء قمم ودي اني اقدم برنامج شعري واسوي محاوره بينكم هههههههه طراااق:006: صح لسان بوح والف شكر لنقلها لنا يا ابو المجد عوافي كلكم |
اصبـحـت انــا مـرسـال قـلـه وقـلّـي,,وانـتـم غـلاكـم فــاق حــد الخـزيـنـه
انـــا ادري انـــه لا صــــدود وتـغـلّــي,,لكـن حظـوظ اهـل الـهـوى خابرينه بعذر قلبك يابحبوحه << على قول الناي لو تحركت قريحتك الشعريه ورديت على قصيده ماااجد صح لسااااااااااااااااااااانك وسلمت يمينك |
مبدعين كلكم
صح لسانك يابوووح ومشكور ياماجد |
بالله اشتركوا بشاعر المليون يمكن ترفعون سوقوه عقب مآطآح ,..
وبالمره ندعمكم تصويت :025: بوح ّ .. شآعر متمكن جدا جدا الله لآ يضره .. وقلم يفتخر به .. عوآفي آنآ هو آنآ : ) |
الله الله الله صح لساناتكم ماجد :067: & بوح وجداني :067: تسلمون على هالروائع ودي اشارككم بس المزاج ما هو على كيفي القلب احرقت الشمس ربيعة وعس المطر يجي من جديد وينبت عشب القلب تحياتي لكم جميعا بيت الطين |
تسلمووون يالغالين ولاهنتوا
انا وبوح نشكر تواجدكم هنا والحضور الكريم الله يسعد الجميع |
تسلموون اثنينااتكم
مبدعين ياحظناا فيكم |
الساعة الآن 09:49 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM