قلوب طينية
من قصائد المرحة الثانية (الجديدة) الاخبار يا قلب ياللي بين الاضلاع خفاق=ابنشدك يا قلب عن بعض الاخبار كم بالهوى عاشق وكم فيه عشاق=عاشو على حس الامل والتذكار وكم بالهوى صابر على حر الافراق= يبكي على خل رحل معه الاسرار وكم بالهوى شوق تحرى لمشتاق=يطلع علية الفجر ما نام سهار وكم بالهوى مهموم دمعه بالاماق=يهل من عينه هماليل الامطار وكم بالهوى صدر من الهم به ضاق=يزفر من الفرقا كما تزفر النار وكم بالهوى جرح وكم فيه دفاق=ينزف من افراق المحبين الابرار وكم بالهوى منصاب وكم فيه منعاق=درب المحبه دايم شوك واشجار وكم بالهوى مصروع حب ولا فاق=يغشى عليه وساعة يفيق ينهار وكم بالهوى سارق وكم فيه سراق=صارت قلوب اهل الهوى تسعر اسعار وكم بالهوى من لوعة تحرق احراق=تكوي قلوب اهل المحبه بلا نار وكم بالهوى من دمعة له ترقراق=من عين منهو في هوى الزين محتار وكم بالهوى من شال حمله ولا طاق=اثقل عليه من الرواسي بالامصار وكم بالهوى تنهيدة جت بالاعماق=في جوف حر نابت وسط الاحرار وكم بالهوى مدفون من كثر الاشواق=جور الهوى حده على الموت وانهار وكم بالهوى محبوب عينه بالافاق=ما ياصله لو هو مع الطير كد طار يا قلب عظني منك جابة بتيفاق=عسى تتوب عن الهوى قبل الادبار وســــــلامتكم |
الساعة الآن 01:02 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM