هذي اجاباتي
هذي اجاباتي
سائلي هذي اجاباتي على ماقد سألت=لاتحسب انه تعالي يوم اجاوب بالقصيد ايه انا انسان مثلي مثل غيري ماكملت=حتى في حلم الليالي واستحالاته اريد التفاؤل من صفاتي كم اصبت وكم جهلت=رابحن خاسر وربحي عن خساراتي يزيد المواقف والتجارب مشهدن فيه اكتملت=والذكي يحصد من الدنيا دروسن للرصيد سلم الدنيا رقيته لين للقمه وصلت=مارقيته بالحكاوي باذلن جهد وجهيد شايلن حملي على ظهري ولا للناس قلت=من يشايلني حمولي ماترجيت العبيد وان بدا لي موقفن فيه المراجل ماجفلت=حاضرن باللي يجملني ولاهبت المزيد سائلي ماني موصف لك طبوعي لو زعلت=لكن اسمع هالمثايل ياعساها لك تفيد لاترافق واحدن مهما تجملت وبذلت=مايقدر طيبتك يعني يقابلك بجحيد والحذر ثم الحذر لاتذكر الطيب ان فعلت=ضايعن طيب الفتى من قام في طيبه يشيد وان تحدتك الليالي لاتحسب انك فشلت=التحدي طير صقارن لياهده يصيد مايعيبك لو تشاور لاتحيرت وزملت=شاور الصاحب سديد الراي فكاك الحديد وان تكدر خاطرك والا زعلت وانفعلت=جنب العالم وصدر لين تهدا من جديد وان وقع منك خطا لازم تعدل ماعملت=لاتكابر لاتكبر لاتقول انك شديد يرتفع قدرك ليامنك تنزلت ونزلت=التواضع يجعلك غالي وفي حضرتك عيد سائلي هذي اجاباتي عساني مابخلت=وان بغيت ازيدها تبشر بمنظومٍ فريد وسلامة من تااابع بوح وجداني |
الساعة الآن 06:39 PM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM