ياللي على بالي وبالي يحاتيك=رفقاً بحالي يابعد كل حالي
انا خويك لاتخلي مخاويك=وشلون ابسلى في غيابك ليالي
شفني مع اطيافك بصمتي احاكيك=شفني من اللوعه تلعثم سؤالي
شفني وانا لامن دعوني البيك=اخطي والبيهم حسبتك قبالي
شفني بحالاتي اعزفك واغنيك=واسأل صدى صوتي عن اللي فبالي
شفني امد الشوف يمكن الاقيك=شفني بوصلك لاتمن بوصالي
شفني وخطواتي تسابق خطاويك=دست الخطر من لهفتيلك ياغالي
شفني بقلبك جعل ربي يخليك=ان كنت ساطي بك غلا ويش تالي ؟
اما تقهويني غلا من محانيك=والا تصارحني وتصبح محالي
ترى خويك بالمحبه يجاريك=هذا غلا ماهو بلعبة عيالي
عطني جوابك لايصيبك تشاكيك=راضي بردك لو يزلزل جبالي
مابي تجاملني ولاني براثيك=سعادتك هي غايتي لاتبالي