في مفترق درب اختيارين صعبات=البارحه خيّرت وافكرّت واحترّت
قضيت ليلي تايهٍ بالخيارات=يطول تفكيري ولكني ماخترت
اشد حيلي واتخذلي قرارات=والغي قراراتي وانا ماتدبرت
عزالله اني صرت مسرح صراعات=بيني وبيني والمكاسب تكدرت
هذي خياراتٍ بها تنقسم ذات=ذاتٍ تأمرني وذاتٍ تأمرت
اثنين في واحد بلحن المعاناة=معزوفةٍ من لحنها ماتحررت
يبقى جواب الواقعيه سؤالات=والمفترض شيٍ خيالي به ابحرت
اعود للماضي بتمويل ونات=واجامل الحاضر وانا ماتضجرت
الحاضر الباني طريق المتاهات=عيبي معه اني عذرته وبررت
ياللي علشانك طويت المسافات=ياللي عشانك بالقوافي تنحرت
ذيك العهود اللي كتبناه بسكات=اسف ليا قلت امسحيها وصدرت
لذا وجوباً غادري دون شرهات=انا نفيتك من خفوقي وهجّرت