زعيم الرحله ينادي على من ضاق به صـدره=تعالوا نركب الموجـه علـى مركـب امانينـا
نبي نكشف غموض المسأله ونغوص في بحره=نبي نسلك دروب المعرفـه خـارج موانينـا
نبي نوصل جزيرة حلمنا ونعيش فـي قصـره=نبي نمسح غبـار التعريـه ونقـول سوينـا
توكلنا على الله ثـم ركبنـا الموجـه بعبـره=وغيمة وقتنـا تنثـر دموعـه فـي محانينـا
علينا هبت ريـاح العواصـف كلهـا غبـره=وفلينـا الشـراع بوجههـا يمكـن تخليـنـا
ابـت الا تمـزق صدرنـا وتجـدد الحسـره=تحملنـا جـروح الصـدر وشالتنـا هقاوينـا
ندور عن مجاديف(ن) تعاونا علـى السفـره=وناخذها من الحدب المحانـي والأمـل فينـا
نواصل دربنا رغم الظروف وكثـرت العثـره=وتصدح مـن حناجرنـا مواويـل(ن) تغنينـا
وتأسرنا هواجيس البحر ونخاف مـن غـدره=نخاف انه يعكر صفونا ولاحـد(ن)يواسينـا
سفينتنـا يديـره حسنـا ونطيعـه بـأمـره=على مايهتوي نمشـي ولاتضعـف عزاوينـا
وفجأه عانق الرحله نسيـم البـر مـن بـره=وفزينا مـن الفرحـه (لقينـا اللـي يودينـا)
تبعنا عطره الدافـي ولهفتنـا قضـى صبـره=متـى نلقـى جزيـرة حلمنـا يالله تهديـنـا
لمحنا بالسما طير(ن) جريح الصوت والنبـره=الا ياطـيـر مافيـنـا يكفيـنـا يكفـيـنـا
صرخ في وجهنا حزنه وقال ان البحـر قبـره=سألنـاه بـألاه الكـون يعلمـنـا بخافيـنـا
تلعثم وارتطم كلـه بحيرتنـا كمـا الصخـره=وقـال الله يرحـم كـل موتـانـا وينجيـنـا
جزيرة حلمي اغرقها البحر في لحظه ونظـره=ومات بحضنهـا ذيـك الأمانـي يـا أمانينـا
تحرولنـا وشلتنـا الفجيعـه ياقـوي امـره=الا يالله صبرنـا عـلـى قـاسـي بلاويـنـا
هنا شعت نجوم(ن) بالسما غابت لهـا فتـره=وراحت في سمانـا ترسـم افكـاره وتدعينـا
قريناها بصمت(ن) يختزل في مهجته حشـره=لقينـا فـي كتاباتـه قناعـه مـن مبادينـا
نصيبك صايبـك يالادمـي لوتفـرح وتكـره=وقل ياربي الطف حينمـا حـل القـدر فينـا
عزمنا للرجوع لارضنـا والطيـر لـه وكـره=واهدينا البحر وهـم الامانـي مـن معانينـا
وصلنا واقع الدنيـا ومكسبنـا هـي العبـره=نبي ننشر معانيهـا عسـى المولـى يقوينـا
رمينها علـى ساحـل مبادينـا كمـا البـذره=لعله تزهـر ويقطـف ثمرهـا مـن يشاكينـا
طوينا رحلة العبـره وزودنـا الفكـر فكـره=ولا نبخـل بفكرتنـا علـى منهـو يحاكينـا