والله مدري كيف اببدى .. مشده=لكن عساها تنتهي .. في مرادي
ابني بيوتي .. والهواجس تهده=متقطع الانفاس .. ماني جوادي
القافيه .. لازان عندي مهده=يصيح طيري .. مانريد الهدادي
وانا ادري ان الطير .. محدن يلده=لامن نواها .. مايخيب اعتقادي
ياطير ياللي .. صاب نفسه مصده=وشفيك ياطيري ..هويت العنادي
جاوب علي طيري .. وموته يحده=مثل الغريق اللي يدور .. ايادي
يقول طيري يوم جاني مرده=في نبرة ٍ ..هزت رواسي وكادي
يقول موتي .. بين رمشه وخده=مالي على غيره هدد ..لا تنادي
قلت اشهد ان الحب .. ماني بقده=وانا اشهد انك ..مبتلا يافؤادي
لكن ضلوعي .. بالحدب جيت اقده=واطيّيييييرك .. ياخافقي مع سهادي
دور على من ذلتك .. بالموده=خلك معاها تنحبس .. دون زادي
لاصرت عاشقها .. فرح دون رده=اعيش من دونك .. ولا عشت غادي
ماني بضدك .. لا ولاني بضده=ترى مقيضك عندها .. صار عادي