عناق ارواح
عناق ارواح
قبل ساعه وتحديدا ً قبل ماينتصف هالليل=وانا ساري جذبني للقصيده جوي الصافي مليت المحبره من فيض احاسيسي وجر السيل=على بيض الورق نبرة حروف ٍ صوتها دافي هي الدنيا وانا فيها غريب ٍ مالقى تعليل=لروح ٍ غرّبت روحي وانا جسمي بميقافي عناق ارواح لو عقلي يحلل خافيه تحليل=يشيب الراس مايلقى بروحين الغلا جافي عناق ارواح متوشح بصمت اشواق مابه حيل=سوى وجد ٍ بصحوتنا وحلم ٍ يفزع الغافي الا ياكودها لاصارت الدمعه غذا قنديل=فتيله من سنينك والضوا في وحدتك طافي حمست البن في صدري على نار اللقا للهيل=حسبتك تعشق الدله واثاري قهوتك كافي لعينك ياعديل الروح ابدل قهوتي تبديل=ابحرق بني ابقلبي لعلك بالوعد تافي تلاقيني هنا جالس اسولف للجدي وسهيل=عن اللي غادر ابروحي ولاشفته ولاشافي ولامن القمر حارب ظلام الليل بالترحيل=عرفت انه بعيد ٍ لو ضيا قمراه بضفافي غزيره ديمة اشواق الغلا ياساحة المنديل=اليمه ساعة الذكرى الا يالله ياكافي وسلامة من تااابع بوح وجداني |
الساعة الآن 02:57 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM