اعوضك خير لامن زالت الشده
اعوضك خير لامن زالت الشده
يانفسي اللي علي بالحيل شرهانه=لاتحسبيني سعيدن طول هالمده اعتقت حرفن يحز الروح كتمانه=لاهو تركني ولاني طايقن حده وجه الورق صار شوك ٍ فوق سيقانه=والقيض مايرحم اللي كاشف ٍ خده جور الزمن مايذل الراس نيبانه=الذل يوم النخاوي تفجعه صده يانفس انا من زرع بالود بستانه=حتى يقدم ورود الطيب ويمده يانفس انا من دفن ضيقات خلانه=في مقبرة خافقي بلحود ممتده يانفس انا من عذر ماضيه واحزانه=غرقان في حاضره ومهمش ٍ غده يانفس انا من عمر بالصبر وجدانه=ابني عزيمه تصد الهم وتهده يانفس انا لو زماني صك بيبانه=العب مع ايامي السودا بمرتده يانفس امانه تراك اليوم مندانه=الوقت ضدي لزوم انك معي ضده طبعي اعرفه ولو منتي برضيانه=يقواك راسي وراسي ضامن ٍ هده والا تبين الحقيقه !! منتي غلطانه=اعوضك خير لامن زالت الشده وسلامة من تااابع بوح وجداني |
الساعة الآن 02:15 AM |
Powered by vBulletin® Version 3.8.6
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010
mamnoa 4.0 by DAHOM