اعذروني منهجي منهج شباب=مرت الايام وازداد الصواب
من يلوم اللي تقلب بالعذاب=اهدي الابيات لاهل المنتدى
شاقني بالمنتدى احلى عضو=شارك الاعضا وهم عنّه رضو
مستحيل امضي عنة لو هم مضو=اهدي الابيات لاهل المنتدى
شخص يستاهل مديحٍ في مديح=من كتاباته تبين لي جريح
وان سألتو ما يصح الا الصحيح=اهدي الابيات لاهل المنتدى
اترك العذال لو مهما حكو=خيب الله سعيهم مهما سعو
اسعد الله بالمحبة من مشو=اهدي الابيات لاهل المنتدى
اسمحو لي خاطري بالشعر هاج=اعتدل عندي قصيدي والمزاج
يلتوي بالصدر عاصوف وعجاج=اهدي الابيات لاهل المنتدى
القصايد في يدي مثل العبيد=آمر وانهى وافعل ما اريد
وان طرت لي فكرةٍ عندي تزيد=اهدي الابيات لاهل المنتدى
اكتب الاشعار في زين الحلا=او وصوف جابها بعض الملا
او هدايا للرفاقة والغلا=اهدي الابيات لاهل المنتدى
لا تلوموني على الجرح الدفين=له زمان القلب في شوق وحنين
يا زمان الود في هاك السنين=اهدي الابيات لاهل المنتدى
بالقصيدة اسم عضوٍ به خفي=من يعرفة في سكوته يكتفي
لين ابين مقصدي به واحتفي=اهدي الابيات لاهل المنتدى

شبعنا من عذاب الحب وابدينا شكاوينا=شربنا من غرابيلة يكفي عالم النسيان
جبال الهم تطرقنا . سواد الليل يطوينا=جنينا من لواهيبه وحار الدمع بالاعيان
وعدني بالهوى ودّه وحر الشوق يشوينا=ولكنه على الميعاد يزيد الشوق بالهيمان
نعيش الحب لحظاتٍ ونبقى له يسلينا=ندور لة معاني بالضلوع وننشد البرهان
اباري همي الغارق على بحر الهوى فينا=انادي كل مشتاقٍ لشوقه والغرام افنان
ليالينا نمضيها وكن النار تكوينا=لبا ياقلبي اللي فيه من حب الحبيب جنان
لقيت الحب ورد وشوك يسبب جرح ايادينا=لك الله ياعذابي يا حياة القلب والجنحان
يبادلني يعاندني يراودني لعب فينا=يود ويبذل المجهود ويتركنا على الشطآن
لعب بالقلب محبوبي وسرحنا في ليالينا=لجل نور العيون اللي يبادلنا الهوى سيان

وخرو وخرو جاكم ينقز=عودٍ راسة فيه اجنيني
مادام ان القصيد انغز=ابدلي في دلاويني
تبت يدا همز لمز=واتعوذ من شياطيني
خوذو هرجٍ مني طرز=بلساني وتشوفة عيني
قصيدة لموسة تعجز=قافة على الزا والايني
نبي مع لموسه نغمز=بالشعر اللي ما يرويني
اقرا القصيدة وانا اهتز=عجزت امسك مني فيني
سير لمي يا باغ العز=معزوم يا نظر عيني
نبي نسولف نبي نمزمز=قهوه بالفنجال الصيني
حطيت بريقي فوق القز=شاهي بالنعناع الزيني
نشرب نلعب نطرب نهتز=صوت البلابل يشجيني
يبعد عني ونوبٍ يلتز=هم مطاول ويباريني
العاذل واللي يتمطعز=ما همن لو هو يعنيني
والحاسد يا علة يبغز=بصيخٍ حامي وسط العيني
اللي يبكي دمعة ينقز=خله يبكي عشر اسنيني
واللي مطط زقمة بوّز=قله ترضي بعد حيني
واللي بالمحبة غرز=يخفي حبة لا يبيني
كم واحد بعيونة خزز=ودة ياقف لك بالشيني
اضحك اضحك خلك معتز=ارم همومك يالمسكيني

وا قلبي اللي فيه مثل الحريقة=الفا خفوقي حرها والعروقي
ومن الغلا لامن طراله رفيقة=الها رصين القلب حلو الطروقي
يا ناس دلوني على اقرب طريقة=الدال دربه في ضحاح البروقي
اليا طراله طاريٍ بالحقيقة=الف مع الف والف هم يعوقي
يا من يلم اشواقنا بالحديقة=اللام للاحباب لم الشفوقي
وانا مع الغالي غدا فيّ ضيقة=فاء الحشا وانهل دمعي بموقي
يا صاحبي شفت الغلا في طريقة=واو باثر واو صياحي وذوقي
من يوم شفته شب فيني حريقة=الزا لهب نار شوالي خفوقي
رحبت قلت اليوم نفسي غريقة=الف هلا مع مثلهن يالصدوقي
وجهه كما وجه القمر في بريقة=نون الحواجب في جبين شروقي