جف القلم من حبره اللي سرابه=ماباقي الا نمسح اللي كتبناه
مثل العقل لاضاع منه صوابه=لو يقلب الميزان ماقلت وش جاه
بين الحقيقه وانبعاث الغرابه=ميدان واسع مافهمنا خباباه
لو رمعة الافكار لب الاجابه=ماصار برمودا لغز ماكشفناه
يسود بالعالم شعور الكآبه=من شي لايذكر ولكني اقراه
اقراه بنفوس ٍ سلوكه تشابه=رغم انها من معدن ٍ ماجهلناه
من طاع همه اعرف انه عثابه=يقلب موازينه ويكويه بالاه
الادمي للهم لازم يجابه=من كان مومن والله انه بيقواه
ماضاقت الا ينفتح كل بابه=بأمر الذي ماخاب منهو ترجاه
ياعاكف ٍ للهم ويامن شقابه=وش ناتج التفكير بأمر المعاناه؟