شاسع فضاءك ياخيالي وانا فيك=شاعر زهابه بوح محصور باجواك
امشيك بحروف ٍ تلامس معانيك=وارسم تفاصيل المسافه بظلماك
شف رسمة الفنان بالليل تاتيك=عشانها ماتحتمل حر رمضاك
واليوم انا مجبور اجاري تحديك=واكتب على كيفي واقول اتحداك
خذ هالقصيده وانتظرني ..البيك=اقصد شعوري يوم تدعيه لباك
خلك سماعي والقوافي توديك=الى حدود ٍ تاصلك ثم تعداك
احذر تعدا وطيتي في مواطيك=خلك حذر لاتنخمع واتوطاك
يالله مشينا ياعسى الله يحميك=من سطوة الواقع ودنيا تحراك
هل تعلم ان الوقت يحتاج تكتيك=عشان ماتحتاج لبرب مع باك
يعني لسانك متصل دون تشبيك=مع راسك الصافي والافكار اسلاك
لذا يجب ان الثقه شي يغريك=انك تبارز بالتفاكير من جاك
عطفا على عاليه بالقاف اجاريك=حتى اخلي هالفضا كله افلاك
شفت النجوم اللي بريقه يسليك=محال تضوي لك طريقك وممشاك
هذي نجوم ٍ بالسما وانت يكفيك=منها دليل الدرب لاتاهت اخطاك
احرص على اللي مايخيب هقاويك=لاتنخدع في لمعة (ابشر وحياك)