نقرا وندرك ونفهم كل مانقرا=ناسٍ تعلم وناسٍ جابت اعذاري
ادري بعد كل رجل بحالته ادرا=مير المصيبه برجلٍ ماهو بداري
احدٍ يشد الركايب ماشكى وزرا=متوكلٍ بالولي في ليل ونهاري
واحدٍ يسوّف على تصبيرٍ وصبرا=يقول انا منتظر تصريف الاقداري
الى متى ننتظر والخاتمه قبرا=هذا كتابه يمين وهذا بيساري
ياحبنا للتعذر يابشر عذرا=سوق التعذر جميع الناس به شاري
هيا بنا للعمل ياباغيٍ اجرا=اوزارك لحالك ومثلك لي اوزاري
من ( لاتؤجل عمل يومك الى بكرا)=صغت القصيده وكل انسان يختاري
الحمد للي بذكره جرحنا يبرا=مانرتجي غير وجه الواحد الباري
والحيره اللي من اسبابه وقع بدرا=ماخلفت لي سوا الهوجاس بفكاري
يانعمت الصبر انا مالي معك امرا=لكن عسى الله يعين الراحل اجباري
المعذره راحت القيفان للذكرا=ملزوم اقفل واغير كل هالطاري