من واقع الدنيا .. تمثلت .. بابيات=واللي طرالي .. لاطرالي .. نثرته
درسٍ من الدنيا .. ومافات .. مامات=القابه .. دروس وعبر .. يوم زرته
شاعر .. معاني .. والمعاني جزيلات=والجزل .. اغني به طرب .. لاحكرته
منتوج حرفي .. مد للناس .. اشارات=لو قصّر المعنى .. فانا .. ماعذرته
ابياتي .. اكتبها .. تجي كيف ماجات=والا اللمعاني .. حدها ..ماحصرته
هذا سلامي .. مفعمٍ.. بالتحيات=على لبيبٍ .. نافعه .. ماحقرته
هذا زمانٍ فيه .. غدر .. وخيانات=لكن طعونك .. موجعه .. لانشرته
دام الخوي .. مايعترف ..بالمروات=لاتلتفت له .. وافرح .. اليا خسرته
هذا زمانٍ فيه .. للخل .. فزعات=رجلٍ .. لعسرات الليالي .. ذخرته
من طيبته .. ياتيك .. من دون نخوات=ويقول : لاتشكر .. ليامن شكرته
هذا اللذي ينفعك عند المهمات=والا .. فزوع القول .. ياما .. نطرته
هذا زمانٍ فيه .. مصنع اشاعات=من ناتج الحساد .. يامن .. خبرته
ناسٍ تألف .. من دماغه .. روايات=وتروغ .. لامنك بقوله .. حشرته
ناسٍ تنفس .. في حياته .. منمات=عطها ظهر .. واظمن لك .. انك قهرته
هذا زمانٍ فيه .. نحتاج .. فورمات=ونجدد الهقوات .. فيمن .. ذكرته
ناسٍ .. تعليها .. بروس الطويلات=والناقص .. ابرك ..لو تصد ان نظرته