21-06-2011, 06:47 PM
|
#1
|
عبدالرحمن
بيانات اضافيه [
+
]
|
رقم العضوية : 2
|
تاريخ التسجيل : Apr 2011
|
المشاركات :
982 [
+
] |
التقييم : 11
|
الدولهـ
|
الجنس ~
|
|
لوني المفضل : Chocolate
|
شكراً: 345
تم شكره 674 مرة في 282 مشاركة
|
اصبح المنطوق وجدا
اصبح المنطوق وجدا
للسما .. راح الفكر في ساعةٍ .. ماهي سعيده=للجدي .. شديت بحروفي .. على ماقيل شدا
قلت له : يانجم .. انا عندي مراميعٍ بعيده=والمعاني .. بيني وبينك .. وماجيت اتحدا
انشدك .. يامن تعين التايه .. ورايك يفيده=الوكاد انك دليله .. وانت للفزعات .. قدا
وش تقول .. ان قلت لك : ذيبٍ .. تمناله طريده=ساطيٍ .. فعال .. طايل .. بس ماوده يهدا
قال : ذيبك لو يموت ابرك .. ولاقلنا فقيده=والله ان الذيب .. مايرضى بذلٍ .. لو يحدا
قلت انا : خابره ذيبٍ ..لاسرد .. ماعاش صيده=لكن التفسير .. عنده .. ماهقيت انه .. تردا
يالجدي .. ركز معي .. تكفا .. وهمي لاتزيده=يمكن .. الخافي بقلب الذيب .. قدادٍ يقدا
قال : انا لي نظرتي .. بس المشاعر .. ما اجيده=دايم اسمعهم يقولون .. الغلا .. ملعون جدا
قلت له : ياحظ من يملك .. احاسيسٍ بليده=والله ان الحب .. لامس الخفوق .. انهد هدا
والبلا .. يانجمي الشامخ .. لياشفت الفريده=كيف اعبر !! كيف اسولف !! لا لمع برقٍ بخدا
الله يسامح .. خطا رمعات قلبٍ .. طاح قيده=في ضمير الحظ الاقشر .. واصبح المنطوق .. وجدا
جيت لك .. يانجمي الشامخ .. ابي جمله مفيده=مالقيت !! الا علومٍ .. تسرد الخفاق .. سردا
يانجم .. وان لاح بدرٍ بالسما .. ينزف وريده=سمّعه بوح القصيد .. ولاتجي .. من دون ردا
وانت يانجم السما .. غض النظر .. بعد القصيده=بيني وبين القمر .. جملة عهودٍ .. ماتعدا
الصدر .. لو زاد شوقه .. ماتشكّى من رصيده=لكن الشاعر يغني .. والشعر .. جزرٍ ومدا
وسلامة من تااابع
بوح وجداني
|
|
|