\
/
أحـبك .. ذا ترى أول كـلامي .. وآخـره كـله
....................... ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
....................... انـا لا قـلت مـا في خـاطري .. والله مـا بـالي
وتـقـدر تـغـمد الـسيـف الرهيف وتقـدر تسلّه
....................... ولكن ..! عـنـد خـلاّق الـبـريـة عـلـم الأجـالي
وتـقـدر تـطـوي الـدرب الـبـعـيد وتقـدر تفـّله
....................... ولكن صعب تمنع في الهـوى صبري وترحالي
حـبـيبي من يـعـزك في الـهـوى مـا تقدر تذله
....................... ترى قـربـك يـزيـدك بـالغلا وان عفتني غـالي
مـتى عـمرك سـمـعـت بعاشق قد مات من غلّه
....................... هذاك الـحـاسـد وراعي الـهوى تـتـلفه الأمالي
أحـبـك .. كـلـمةٍ لو هي خـطـا تـغـفـر لي الزله
....................... وردتك ظاميٍ وان عـز وصـلك بـااقطع حـبالي
ظـلال الـعـاشق جـروحـه ومن ما يـتـبـعـه ظله
....................... أمـانة يـا شـعـاع الـشمس لا تغضب من ظلالي
الــــــــــــ/ بــدر
كل بيت في الفاتنة أعلاه أعجبني
|