06-08-2011, 03:44 AM
|
#1
|
عبدالرحمن
بيانات اضافيه [
+
]
|
رقم العضوية : 2
|
تاريخ التسجيل : Apr 2011
|
المشاركات :
982 [
+
] |
التقييم : 11
|
الدولهـ
|
الجنس ~
|
|
لوني المفضل : Chocolate
|
شكراً: 345
تم شكره 674 مرة في 282 مشاركة
|
نظام الغاب
نظام الغاب
مايقنص الهزله ..سوى فاقد الناب=والا الذيابه ..طول عمره ذيابه
مسيلمه كذاب ..لو شاب ماتاب=والمعتصم ..لاقال قول ٍ وفابه
القافله ..ماهمها نبحة اكلاب=والرافضه ..ماله صله بالصحابه
الشمس له نور ٍ ..فضح كل كذاب=مهما تغطى في ظلال .. السحابه
من يفهم الاعراب ..مايعرب كتاب=لازم يشكّل ماورد ..بالكتابه
لو يكسر المرفوع ..ماهو بعراب=واليا نفا توكيد !!يلقى عذابه
المسأله ..ماهي بتركيع الاشناب=دايم عزيز الذات ..كلن يهابه
من راح غازي ..قالوا الناس وشجاب=والذيب في نابه ..تبين الاجابه
كم واحدن ..ماميز اظهار واقلاب=لكن يخاف الله ..ويتبع كتابه
وياكثر ناس ٍ ..تحسب الدين جلباب=احدن ترززبه ..واحدن كلابه
شفت الثوابت مايله ..رغم الاطناب=وجرذانها ..تنهش بليا رقابه
الدين واضح ..لو يقولون ارهاب=والا ضعيف الحال ..محدن درابه
افقر غني واغنى فقير ٍ ..له حساب=واثنينهم !!محدن رضى عن حسابه
هذاك بالموجب ..رقا راس مرقاب=والثاني.. السالب على الخشم جابه
هذا نظام الغاب ..مايقبل اعتاب=يعني اوادم ..عايشه وسط غابه
الشبعه اللي يذكرونه ..هل الغاب=ماذاق طعمه ..غير ذيك العصابه
مسلوب حق الناس ..من غير اسباب=واللي طلب حقه ..يعاف الطلابه
وش ميّز الاقراب ..عن ذيك الاغراب=للعولمه تبرير ..كله غرابه
لو تنصف المظلوم ..فتحات الابواب=ماينحني للجوع ..غير الكلابه
ياربع انا ماجيت اعذرب او اغتاب=لكن ظروف اليوم ..كله تشابه
عجزت اميز بين صادق ونصاب=حتى الهقاوي ..تخلف اللي هقابه
الله يحفظ الراس من حقد الاذناب=ويجنبه ..شر العدو والقرابه
قافي نثرته بين ..خلان واصحاب=بافكار شايب ..والعمر في شبابه
من طاب له قافي ..فله كل ماطاب=وان بان به خله ..يقدم صوابه
وسلامة من تااابع
بوح وجداني
|
|
|