^
شكرا ماجد على المشاركة الاكثر من رائعة
ما فهمت وش تقصد يوم قلت لا تقرأونه
بعدين استوعبت اثاريك تقصد اقروها بينكم و بين انفسكم
الله لا يواثمنا و لا يؤخذنا بما نطقنا
..
عموماً جبت لكم هذي و اكيد تعرفونه و كان فيها لغط كثير
و بالاصح سرقة و كذب و كلٍ ينسبه لقبيلته !
عاد الله اعلم حنا نبي الابيات من دون القائل
و ماعليه حذفنا كم شطر للاختصار مع عدم الترتيب :
لي بنت عم ماوطت درب الادناس
و لا دنست يوم النساء يدنسني
ضربتها وانا احسب الضرب نوماس
طلقتها يوم افخت العقل مني
ياناس كيف العين تبكي على ناس
و كيف العيون بلا رمد يسهرني
لو ينشكي حبي على ذيب لاخماس
يسرح مع الطليان مايجفلني
ولو ينشكي حبي على قب الافراس
عين نهار الكون لايفزعني
التعليق !
يعني استخدامه لكلمة دنس هنا و تكراره بالنسبة لي
حسيت انه معزوفه طربية .. و اعجتن افتراضياته بشكوى الحال !
و انه لو شكى حبه على الذيب تغير حاله و انقلب
و صار يسرح مع الطليان و لا يخافن او يجفلن منه
يعني صار ودود و فقد صفات الذيب و اللي هي الخيانة و الافتراس
او هو بحالة غيبوبة من الحزن صراحة من كثر بلاغة الصورة
عجزت افسره بس اعتقد واضحه = )
و لو شكى حبه على الفرس بنهار الكون او الغزو
ما فزعن و لا تحركن من مكانهن من شدة الحزن
..
عجبية و الله عجيبة هالقصيدة اتمنى تقرونه كله
بالنسبة لي معلقة و ماهي قصيدة بس
المفروض نعلقه على طرف برزان