ساهر ٍ ليلي اقلب في رفوف الذكريات
..................ذكريات ٍ مابقى منها سوى ذكري لها
ذكريات ٍ حلوها مع مرها سكر نبات
....................يكفي ان الروح لاضاقت تحاول فلها
ذكريات ٍ فايتات ٍ وادري ماهن راجعات
.....................سلوة ٍ للروح والراس ان تكدر دلها
ذكريات ٍ بالغلا بين المحاني ساكنات
................راجحات ٍ في غلاها من سنيني كلها
لاتطريته وشديت الركايب في سكات
...................ادري الرحله سعيده والفكر ماملها
كلما سجيت فيها صارت السجه مبات
.......................آتدفى من غصونه واتضلل ضلها
ياسنين ٍ روحت مني وصارت ماضيات
.......................جيتك بروح ٍ جريحه علها ماعلها
وسعي صدرك علي ولملميني من شتات
....................ابعديني عن سؤالات ٍ عجزنا حلها
جرديني من محالات الأمل والامنيات
...................مالي ومال الأماني دقها مع جلها
كم بذرنا من اماني والمدامع ساقيات
...............كم نبشها من غراب ٍ قبل نقطف فلها
يارفوف الذكريات ان قلت لك عفت الحياة
..................قولي :اتبعني ودنياك الممله خلها
وسلامة من تاااابع
بوح وجداني