تمنينا ..ومنينا محانينا ..وشيدنا=على هامش مساحات الليالي ..ماتمنينا
تمنينا ..وحنا بالاماني وش يحددنا؟=نبي اسرع .نبي اجمل .نبي مجمل امانينا
من الواقع تبرينا ..من احكامه تجردنا=وعدنا ماضي الذكرى بمستقبل ..يهنينا
تعاندنا متاهات الزمن والا تهددنا=يواجه صعبها واقسى محالاته ..هقاوينا
نسولف للأماني ..والاماني ماتساعدنا=يتمتم له شعور الأنتظار ..ولاتحاكينا
تصبرنا وكابرنا ..وللاحباط بددنا=تقوينا تفائلنا ..وشدينا خطاوينا
تدور ايامنا ..والمشهد المنسوخ رددنا=بداياته اماني ..واخره لازم يبكينا
غريبه يا امانينا .. مشينا لك ولاعدنا=تشتتنا بيمك ..واختفت عنا مراسينا
بقينا مركب ٍ تايه ..وموجاتك تشردنا=الى مالا نهايه ..والسكات اخر عزاوينا