آعتقد الحين آقدر آرد و آسف على التآخير = )
ما راح ارد على كل واحد لحاله بيكون ردي جزء مكمل للموضوع
سوا آنه باللهجة العامية عشآن ما اتقيد آكثر و آوصل المعلومة
و مآ تنظلم الفكرة مثل ما صآر بالمقآل .. راح نتكلم عن الزواج
و ما نتشتت اكثر و نتخذه هو الموضوع الاساسي و نضاهي قناة بداية

اولاً من الناحية الدينية


اكيد ما عندنا تعارض مع هالاية إيمانياً و عقلياً و من كل ناحية منطقية
بس تطبيقياً اعتقد بآننا مثل اقطاب المغناطيس
- توجه لطريق بعيد عن الزواج .. بس عشآن اوضح الفكرة
عندك تشميت العاطس هي من ابسط صور الدين بس غالباً ما تلقانا نشمته
ي بعد تسبدي المسألة هنا ماهي مسألة جهل و عدم دراية المسألة قراءة للمجتمع
يعني انا قاعد اتكلم عن الواقع و اغلب الواقع = )
و ماني قاعد اتكلم عن المثالية و وين الصح و الخطأ !
الاية اكيد ما نجهله و لو بحثت عن تفسير الاية
و هي تتكلم على ان الزواج اية من ايات الله ايضاً و انه سكينة و راحة و استقرار نفسي
بس بالواقع الزواج: شتات - ظلم - ضريبة - جيل فاشل - علاقة عقيمة
يعني هنا مافيه سجع و تطابق
حنا ي ليتنا نطبق هالاية و الله ما بنا بلا ..
بس لو كان زواج بنتك او اختك يعني = ضياعه اكيد ما اراح ترضا له بهالشيء
و هذا اللي كنت اقصده = )
و مثل ما قلت : الزواج هو ليس كل شيء الا اذا كان سيبني كل شيء


بالنسبة للجزء الاخر و اللي هو ان عادات اجدادنا من الوحي !
ما ادري و الله ي ماجد مثل ما تعرف انا ولد بدو و انت على ما اظن انك بحدر
الحضر اكثر تمسك بالدين رغم اني اجهل ثقافتهم ..
بس انا اتكلم عن الغالب و غالب سكان هالمنطقة هم البدو
و كانوا يمثلون 80 بالمية سابقاً رغم ان البدو لا يمثلون المجتمع في علم الاجتماع
لانهم متنقلين ومالهم مستقر و مقر .. بس هم اللي انتجوا الجيل الحالي يعني اغلبنا عيال بدو
بس عندنا ي البدو ما اعتقد ان فيه تواصل بين عاداتنا الزوجية و بين قواعد الدين

يعني تخيل معي هالمشاهد :
المرأة اذا شربت القهوة تمسح اثره عشآن ما يشوفه رجله
المرأة تحطب و تروق البيت و تطبخ و ترعى و و .. آلخ
حشى سوبر ويمن ماهي مره طبيعية
المرأة تضرب على اتفه الاسباب
فوق هذا اذا طلقه يرجع و يخسر ابوه بالمهر
وش عليه ي حظي على هالقعود المهسهس و لا هالهرش الاجرب
و اذا قعدت بذمته الكلمة الحلوة ما تسمعه سوا انه تسمع ي بعد حيي
ليس لانه قاصد بل لان العادة جرت على لسانه = )
و الله مدري وش لون اوصل لكك الصور ي ماجد لانه و بكل صراحة وقحة

انا كل الصور اللي نقلت لي عن الماضي شنيعة ؟!
و مابه من الالفة و المودة و الرحمة اللي ذكرت بالاية بقدر ميل
و لا له علاقة نهائي الا اذا كانوا يكذبون و متشائمين مثلي هذا شيء ثاني ..


انا ما اقول حب قبل الزواج و لاني مع هالفكرة و لا ضده المشكلة عندي هي بالزواج نفسه
و الله اذا كان زواجي مثل اللي اشوفه بحياتي انا ماعندي استعداد اضيع عمري على امل كاذب
راح اتزوج لغتي و اصير مع نفسي
..

نجي لحياتنا و واقعنا الزواج يعني امل بالحياة
لو بحثت بقوقل الزوجية عن هالكلمة مافيه امل نهائي
و الدليل ان اكثر ملاك السيارات بهالمجتمع هن النساء
و بدن يدخلن بالتجارة و العقار ولو سألت المرآة تقول :
والله الحمد لله الاوضاع تمام بس ماتدري عن الدنيا
و الدنيا المقصودة هنا هي الزوج ..
و الرجل كذلك مافيه امل انه يكمل مع زوجته
و الدليل هو احتفاظه اما بارقام بنات او ماضي او او او
يعني فيه بديل بالاحرى لو راحت فيه بداله


ولو جينا لمجتمع مختلف تماماً من كل النواحي مادياً و فكرياً و سياسياً
بفلسطين و على الارهاب الموجود هناك و بلحظة تفقد كل اللي حولك
فيه حياة زوجية متكاملة شاملة تنطبق حياتهم على الاية
لان فيه امل .. تصدقون وهم بالمعتقلات يتزوجون و ينجبون !
هذا مو امل و لا ثقة هم تعدوا هالمرحلة اساساً هم وصلوا مرحلة اليقين
يعني انت لو بتنسجن مؤبد تطلق زوجتك .. حنا ما نبي السجن لو اقل مشكلة نلقى الطلاق بالواجهه
رغم ان مافيه جذور للمشاكل اصلاً حتى ما يمدي تطلع جذور
العلاقة ما كملت 3 او 4 سنين يعني مافيه اصول و جذور للمشاكل فقط لان مافيه حب او مافيه شروط حب


راح اكمل جزء ثاني اذا سمح لي الوقت

= )