منتدى حايلنا - عرض مشاركة واحدة

26-05-2011, 06:32 PM

اهلين يا دلوعه

انا بقولك مميزات الفرينق وعيوبه حسب استخدامي له من زمان

1 - يميز البرنامج انه في اغلب الجوالات
2- بإمكانك فتح المسنجر او اضافة من تريدين ويكون لك حساب خاص بالفرينق للأضافه يعني لو فيه رقم بجوالك يظهر كصديق اذا فتحتي البرنامج
3 - سريع في استقبال الرسائل وفتحها ولا يحتاج restoring
4- بإمكانك اجراء مكالمات صوتيه ومكالمات فديو والفديو ما انصحك فيه والسبب يعود لوجهك الشين

عيوب البرنامج

1- التصميم زباله
2- عند الخروج من البرنامج وهو متصل لا تعلم هل انت فاقد الاتصال او لا
3- عند التحويل من الوايرلس الى انترنت الشريحه يفصل تلقائي ولا يعاود الاتصال تلقائي
4- فجأه يفصل البرنامج وعند فتحه لا تعلمين هل انتي متصله ام لا
5- لا يمكن استعمال الجهاز بالشكل العرضي بالكتابه
6- لايمكن ارسال صور وفيديو

طبعا ً بشرح لك البرنامج

نقرتين لعرض الصورة في صفحة مستقلة

هنا تبحثين عن فرينق في الابستور

بعد ما تحملين البرنامج وتفتحينه راح تطلع لك هالصفحه هذي

نقرتين لعرض الصورة في صفحة مستقلة

الفراغ الأول انشاء اسم مستخدم لك ويكون بالعنقليز

الفراغ الثاني كلمة مرور

الفراغ الثالث اسمك كامل

بعد ما تعبين هالفراغات ويكون اسم المستخدم مو محجوز راح يوديك لصفحه يقول اكتبي رقم جوالك وايميلك

اما اذا كان اسم المستخدم محجوز يبي يقول حاولي مره اخرى

المهم اذا سجلتي وخلصتي راح يوديك لصفحه يقول سجلي رقم جوالك وايميلك بإمكانك تعديها

والفايده من تسجيل رقمك وايميلك (( عشان يضهر لك اصدقائك اللي يستخدمون البرنامج ))

يعني مثلا ً رقمي عندك وانا استخدم البرنامج راح يضهرني بالبرنامج كصديق

بعدها راح يدخلك على البرنامج وتكون الصفحه بالشكل التالي

نقرتين لعرض الصورة في صفحة مستقلة

هنا بالصفحه هذي المفروض انه يطلع لك اصدقائك بس انا ماعندي احد

لكن ممكن انك تفتحي المسن من خلال هالبرنامج

كيف طريقة فتح المسن

تروحي لخيار more

وتضهر لك هذه الصفحه

نقرتين لعرض الصورة في صفحة مستقلة

اختاري منها add-ons

راح تضهر لك مجموعة ايقونات كما في الصوره

نقرتين لعرض الصورة في صفحة مستقلة

بالنسبه للايقونه الاولى address book

اذا كانت مفعله وعليها علامة صح معناتها راح يضهر لك الاشخاص اللي محفوظين بجهاة الاتصال عندك كأصدقاء

واذا ماتبين هالخيار بإمكانك تضغطي عليها وتفتح لك صفحه فيها خيارين اختاري off

اما بالنسبه للأيقونه الثانيه ممممممممممم للأمانه ما ادري وش وضيفته

والايقونه الثالثه هي حقت المسنجر

تضغطي عليها ويقولك ادخلي ايميلك وكلمة المرور وبس

ملاحظه ان ادخلتي ايميلك والباسوورد راح تلقين جهات اتصالك في خيار buddy list

ملاحظه ثانيه ماتقدري تستخدمي المكالمات الصوتيه والفيديو الا عن طريق اصدقاء فرينق وليس اصدقاء الحسابات الاخرى

اتمنى انك فهمتي