ياونـتـي ونـــة المـضـيـوم = تسبده عـلـى الـنـار مكـويـّه
جـور الليـالـي يلـوفـه دوم = واريـــاه ماتـقـلـب الـنـيـّـه
محكوم في حسرته محكوم = والـنــار تـاكــل مـواطـيــّه
سنّـد يقـوده رجـا وحـلـوم = واثــر التـوافـيـق حـدريـّـه
يابـاع مايـفـرق المسـيـوم = ويـاقـام خـسـرت خـطـاويـّه
حتـى منامـه يعيـف الـنـوم = حـــداه حــــادي طــواريـّـه
ماينفع الطيب عقب اليـوم = والـمـوت بـانـت مـواريـّـه
ياوجدحالي على المرحـوم = راح وتركنـي علـى الخـيـّه
دمع المحاجر خـلا وعـدوم = وسط الحشـا دمعتـي حيـّه
غاب القمر في حياة نجوم = وآحــــلام وردي رمــاديـّـه
ياسم حالي سهـم مسمـوم = يــوم الآخـو مـارفـى خـيــّه
دنيـاي دنيـا عـنـا وهـمـوم = ويـن الامــل ويــن راعـيّـه
قل ياسعد وانت راع سلوم = طبـع الكـرم فـيـك وحمّـيـّه
بشـر بعلمـن يجيـب علـوم = وشـلـون حــال التميـمـيـّه
يالله يـــاواحـــدن قـــيـــوم = فيـك الـدعـاء فــاز داعـيـّه
تفرج بعزك علـى المظلـوم = وشـلـون لاصــارت بـنـيّـه
والعبد ماله عـن المقسـوم = حــق الـقـدر ياسـعـد جـيـّه