منتدى حايلنا - عرض مشاركة واحدة

22-05-2011, 01:49 AM

بسم الله الرحمن الرحيم

وعليكم السلام ورحمه الله وبركاته

أولآ ما راح اكتب بأسلوب منمق على قوله البعض وكأن الاسلوب المنمق عار سبحان الله

صرنا في وقت وزمن لازم نصير فيه عرابجه عشان نرضي البعض ياعله مايرضى

الاسلام مو مجرد" معرف" لك الاسلام دين لابد ان يكون من سلوكياتك

كيف تاقف قدام رب العالمين في صلاتك وانت تقول لفلان ياكلب او ياحمار وهذي بعد انظف الالفاظ

والله عيب عيب اذا ظهرت هـ تصرفات من مراهق نعتب عليه فكيف بشخص بالغ

والله ثم والله كلام القرف مايرفع صاحبه الا الي درجات الامتهان

فلان يضحك لك وفلان يضحك عليك وين حشمه النفس نفسك مالها قدر عندك يوم تتخبط بالالفاظ قمه الرذاله

ويقولولك فلان نيته صافيه بس هذا كلامه "سبحان الله " أي نيه انا وش علي من نيته انا علي من اسلوبه النظيف

ولا اظن هسوالف والمسخره فيها شي من المرجله ولاسمعنا هسوالف عند اهلنا بالعكس

كان مجلس الرجال ما ينقال فيه الا السالفه النظيفه والمنطوق السليم الحين والله "اقذر لسان"

تلقى حواليه اكثر من خوي مونسهم لكن تناسى قول الرسول عليه الصلاة والسلام

((المؤمن لا يهين نفسه)) وقال عليه الصلاة والسلام (ماكب الناس ع وجهوههم بنار يوم القيامه الا من حصائد السنتهم))

وييننا عن هذا ؟؟ وين اسلامك وتربيتك وحياك

والالعن يجيك عند عامه الخلق اللي يعرفه واللي مايعرفه ويتلفظ ع اساس يعني هـ الكلام يضحك

والمطلوب اننا نضحك

فيه اكثر من شي يبسط اللي حوله ويرفع من قدرك غير هـ الاستهبال والمهزله

مو لازم يستحى منا استح من ربك استح من اللي خلقك فسواك فعدلك استح من الله

شخص لا يستحى من الله شلون نطالبه يستحى منا

يا ساره المطلب الحين هو اني ابسطك واضحكك بأرذل الكلام

واجي واقولك عاااااااااااادي يابعدي خلي صدرك شمالي

نجتمع والله ومليون حاجه تبسطنا ونطلع من المجلس مرتاحين الضمائر

نجتمع على هستره وسوالف لكن كل ما يغضب الله من كلام تهج منه الملائكه

نحن يفترض بنا كـ مسلمين مانتلفظ فيه

بعيدآ عن الالتزام وقوله هذا حرام وهذا حلال

حتى عند غير المسلمين الانسان اللي ما يتكلم بأدب يعتبرونه انسان غير صالح وغير سوي

فكيف بنا نحن وحنا معتنقين لدين اساسه الخلق

موضه العرابجه والسوالف النص كم والالفاظ القذره اظن مايشرف أي شخص بدنيا

عنده خلق ويتقي الله انه يماشيهم ومن يماشيهم هو بتأكيد مثلهم

القلوب لا تفوح منها نياتها والرقي لايعرف سوي فكر نظيف وانسان قويم

انا ما اقول الا يا رب تحفظنا ولو انا منك يا ساره اهرب عنه هالاشكال مامنه خير

نقول الله يهدينا واللهم عافنا اللهم عافنا

طولت لكن هشي للاسف الشديد موجود بكثره بين مراهقين وشيبان ليتهم بعد مراهقين

ساره لازم اقولك كولي " " عشان أصير وحده خطيره اربعه قيقا هههههههههههههههههههههه

الله المستعان

اشكرك جزيل الشكر

موضوعك له الفايف ستار وفوقهن ورده نقرتين لعرض الصورة في صفحة مستقلة