ياشينها لاقلت ماني مع الناس=هايم بك التفكير في كل وادي
تسرح ولو دقو نواقيس واجراس=مثل الذهيب اللي مع البر غادي
ياللي تعيش الحب من قلب واحساس=احذر عمود النار وسط الفؤادي
تشم ريح الورد من عطر الانفاس=كن الزهور بجوفها نبت كادي
هذا غلا ماهي سواليف غراس=ماتدري ان الشرك فيه السمادي
وتقول ياليل العشق هات قرطاس=بكتب قصيده ماكتبها المهادي
مره تنام وطيفها يقعد الراس=ماتدري ان الليل ماحدن ينادي
ومره تصيح من الألم وان بدا الياس=تسمع حنين الشوق وتقول عادي
ياما شربت من الهوى مر في كاس=لونه كما الزيبق ثقيلن رمادي
وياما كليت الحنظله من ردا الباس=وتقول تفاحه من الشام زادي
حلفت مااعشق لو يخلون الاقواس=اهل الربابه جاك علمي وكادي