الله يعز العدو ..ويذل خواني=الله يعزه .. كشف متبرقع الخوه
حي الذي يوم عاداني ..تلقاني=مهما يعادي يواجه ..عنده امروه
ماهو مثل واحد ٍ لاجيت ..حياني=واليا سريت انهذر ..ينعتني بسوه
هذا صديق اللسان اللي تقفاني=بهروج حاقد ذليل ٍ ضاق به جوه
دام الجبل شامخ ٍ ..والذيب شبعاني=تبقا هروج القفا ..من ثعلب لبوه
ياصاحبي ..خبر الخاسي على لساني=دام الحكي قوته ..فالذل من جوه
خله يسوي بطل ..قدام عدواني=يمكن يقولون له ..سو الحكي سوه
اقسم قسم لايعاديهم ..وينهاني=ويغص بلسانه ..ولاينفتح فوه
نباحة الليل ..وخفاش ٍ تحداني=ماهم كفو ..والسما متعلي ٍ نوه
ياصاحبي ..مالنا في ذكرهم شاني=قافي ضوى بارقه ..واهديتكم ضوه