راح ليلي .. وانبلج نور الصباح=والقوافي تحسب الشاعر .. صحيح
ساكت ٍ لكن .. وقع مني وطاح=اول ابياتي .. وهليت القريح
ماهو ابكيفي لو الماطر .. ملاح=قاله الخافق .. بعد فرقا مليح
يسكت لساني .. وفي قلبي صياح=يمتلي من رجفته .. صدر ٍ فسيح
يالخفوق اللي نزف دمه .. وساح=انزف انزف .. ربما حزنك يطيح
اطلق آآهاتك .. ولاتكبح جماح=سو مايبري ضميرك .. لو تصيح
دام خلك .. اغتنم حبك وراح=من يلومك ..!! مادرى انك ذبيح
ليت لي قلب ٍ .. لياذاق الجراح=يمتثل امري.. لياقلت : استريح
آآه من شوق ٍ .. كوى قلبي وفاح=داخل ابياته وجود ٍ من جريح!!
انكتم ياقاف .. نادو للفلاح=الرجا بالله ..ولو حظك شحيح