حبر القلم مايبس يامنتظر نزفه=لكن شعوري تجاهك مات من مبطي
تدري بأن القصايد ماتبي كلفه=لو اكتبه دون ما اشعر فانا مخطي
لكن رياح الجفا لاصكني صلفه=اقول شعر ٍ ذهب واغلا من النفطي
قايد سفينه وموج الشوق من خلفه=واللي امامه مراسي جيش بيزنطي
لازم يعبر عن الاحساس في حرفه=لعل طير ٍ ربطته لاقنص يسطي
يصيد جزل ٍ يبرد خافق الترفه=والا انا جرحي الصامت على ربطي
ماينزف الا على طاريك ياولفه=هذي عطايا محبك وانت وش تعطي