قرأتها وتأثرت
----------------
عفت الغلا عفت الغرام ورواجه.... ودربن يوديني على باب بيتك
تبيعني في سوق الغياب وحراجه.... وأنا خسرت العمر حتى شريتك
ضحيت لكن تضحياتي سذاجه.... وأنا أحسب إني في الغرام إهتنيتك
القلب لو يحتاج وأنت إحتياجه.... بقطع يدي وأموت ولا رجيتك
حلاك صاير في عيوني سماجه.... وغلاك مايشفع مدامي لغيتك
شربت من ضيم المعاتب هماجه.... وغفيت فيك وليتني ماوعيتك
لو قلبي مجرح وعندك علاجه.... نصيت كل الناس ولا نصيتك
القلب كنت أنت السبب فبتهاجه.... واليوم صرت أنت السبايب بكيتك
أمسيت مبغي من ورى الناس حاجه.... وأصبحت متحسف على إني جنيتك
حكرت شوقي وسط عنق الزجاجه.... وأهلكتني ضامي وأنا قد سقيتك
بكره ليا هبت عليك العجاجه.... ونسوك خلانك لا ترجع فديتك
هدمت عرشك وإنكسر عز تاجه.... وأنا قرصت إذنك وياما نهيتك
يذبحني إنك شخص على مزاجه.... ويذبحني إنك يوم تطلب عطيتك
كنت أحسب إنك للمضيع سراجه.... وأثرك ليلن ليتني ماسريتك
إلا طلبتك من غلاك إنتواجه.... سقت العذر تروح ماعاد ريتك
كانك تحسب إني أحبك لحاجه.... إنسى المحبه وإعتبرني نسيتك
|