حررت احاسيسي وهمشت الارهاق=مشتاق للجزلات لامن برقنا
بيض الورق صحرى والاقلام احداق=والريح من ذكرى غصب تخترقنا
لاصار مانملك سوى بيض الاوراق=من حقنا نكتب ونملا ورقنا
نرسم غروب ٍ ماتقفاه الاشراق=نروي فصول ٍ فاز فيها ارقنا
نعصر كموم ٍ بلها دمع مشتاق=ننشل وهم افهامنا من غرقنا
نعطي مساحه للصدر حينما ضاق=ننحر غرام ٍ جن يوم افترقنا
لازم نشرّرع داخل الروح اخلاق=غير اعتياديه لدرب ٍ طرقنا
نتعب ولانلقا للاحزان معلاق=لو نشتكي للخلق غصب ٍ شرقنا
ينطاق هم وبعضها كيف ينطاق=نصبر ولاقلنا لهيبه حرقنا
تحيتي للقاف من وسط الاعماق=قصده يسلينا وفيه احترقنا
لعل باكر فيه للبرد مشراق=ونصبّح الضيقه بفرح ٍ شرقنا