من قصائد المرحة الثانية (الجديدة)
يا مسارح هوانا عذبي=واجرحي خاطري بالذكريات
يوم حنا نرودك مانبي=غير ريح الخزاما والنبات
ياحسايف زمان مربي=يوم انا جاهل بامر الحياة
كيف ما يومها قلت اقربي=واروي الشوق من بين الشفاة
ليه ماقلت له وش مطلبي=واسمع الرد من سيد البنات
يمكن ان الغضي مثلي يبي=والحيا يمنعه ماقال هات
آه واحسرتي ياصاحبي=ياشقا القلب يازين الصفات
آه ليت الليالي تعود بي=ترجع ايامنا اللي ماضيات
وســــــلامتكم