يارفيقي ..
جف من هالليل ريقي
وأنت أعرفك :
لا أستوى المايل على المليان لك موقف حقيقي !
يطيش من علبة ألواني على الأخضر !
لونٍ يرغّب بنا تغريبة بلادي !
مدري أنا الذنب ولا ذنبي الدفتر !
لا عشت رغم إنزعاجات البلد هادي !
ياصاحبي ياشعر قيس و وله عنتر
حبيبتي موطني والحُب جلاّدي !
شفني سريت لهواها والزمان أغبر !
دربي قصيدي وقيدي ماضي أجدادي !
شفني مواطن بنوا لي داخلي مهجر !
أموت رغم الحيا وأعيش بأمجادي !
(ياجرح رافقتني للناس قم وإظهر*) !
مجروح؟! هذي مزوح بلادنا .. عادي !
مواطن وللبواطن حق يالمظهر !
لا ترشي الطين لجل تراضي البادي !
كافي تحسسني إني نقطة العنبر
في مرمر بلادي اللي خانت جيادي !
وأنا من أسبابها قد لي سنين أصغر !
من حقي أكبر ! ولكن رغبة أسيادي !
ياصاحبي وأنت رغم أنف الفقر ممطر
لا تحرم الليل من تسبيحة جهادي !
فإن جردوني بسبّة ذنبي الأطهر
صح لليالي عتاب .. وكبّر .. ونادي !
قل كم لنا نشرب الذلّة ونتبخّر
ورغم القلق نزرع بكف البلد كادي !
وكم للأماني تحسب حساب للمهجر؟!
وكم للمعاني بها ترتيبنا غادي !
أو تدري .. إنسى القصيد وقطّع الدفتر
أنا بلادي بلادي صهوة أمجادي !!
ياخي على الله وأنا طفران ويش أكثر !
.................. تبيني أخسر حياتي وأصبح حيادي !